Gure taldea

Profesional-talde gazte eta arduratsua gara, eta esperientzia zabala dugu nazioarteko elkarlan eta elkartasunean, soziologian, medikuntzan, politikan, komunikazioan, marketinean, ekonomian, giza baliabideetan, administrazioan, kalitatean eta sistemetan.

Gure helburua Anesvaden Eginkizunari ahalik eta onena ematea da, eta Osasunerako Eskubidea sustatu eta babesteko dugun asmoa errealitate bihurtzea.

Profesional-talde gazte eta arduratsua gara

Argazkiak: Elssie Ansareo

Anesvadek lankidetzaren, epailetzaren, medikuntzaren, gizarte-berrikuntzaren eta kudeaketa publikoaren arloko profesional ospetsuz osatutako Patronatu bat du.

EZAGUTU GAITZAZU

  • ZUZENDARITZA

    “Konpromisoa gure esku-hartzeek duten inpaktuarekin eta kudeaketa sozialki arduratsua.”

    Ezagutu gure Zuzendari Nagusia

    Ezagutu gure Zuzendari Laguntzailea

  • Itzuli

    Iñigo Lasa

    Zuzendari Nagusia

    Ekonomi eta Enpresa Zientzietan Lizentziatua Euskal Herriko Unibertsitatean, Graduondoa Komunikazioan, Publizitatean eta Komunikabideetan ESIC eskolan eta Graduondoa Kultura-artekotasunean, Generoan eta Osasunean Facultad de Ciencias Sociales de Latinoamérica fakultatean. 20 urte baino gehiagoko esperientzia du Lankidetzan eta Garapenean, lan-ibilbide luzea egin du biztanleria kalteberekin. Besteak beste, Mugarik Gabe erakundearen ordezkaria izan zen Guatemalan, non Mundubat erakundearentzat ere lan egin zuen Programa/Partzuergo bateko zuzendari gisa; Herrialde-koordinatzailea ere izan zen Nepalen Munduko Medikuak erakundearen bidez; Gosearen Aurkako Ekintza erakundeko zuzendaria ere izan zen Armenian eta Perun; Herrialde-koordinatzailea izan zen Kuban Bakearen Aldeko Mugimendua erakundearen bidez; edo Sri Lankan 2004ko itsasikararen ondorengo larrialdi ondoko egoeran zeuden proiektuak kudeatu zituen Espainiako Gurutze Gorriarentzat. Herrialde askotako aholkularia eta mintegi askotako hizlaria izan da, Garapenerako Lankidetza monitorizatzea eta ebaluatzea sustatzeko.

  • Itzuli

    Gorka Goikoetxea

    Zuzendari Laguntzailea

    Komunikazio Zientzietan Lizentziatua Publizitatearen espezialitatean; Masterra du Marketinean Euskal Herriko Unibertsitatearen eskutik. Bere karrera profesionala publizitatearen sektorean hasi zuen, Madrilen, non 7 urtetan lan egin zuen nazioarteko bi konpainiatan, nazio eta nazioarte mailako marken diru-kontuak kudeatzen. Ondoren, Euskadira joan zen, non Bezeroarentzako Zerbitzuen Zuzendari eta Merkataritza eta Marketin Arduradun modura lan egiten jarraitu zuen. 2010ean, Anesvad taldean sartu zen Marketin Arduradun moduan. 2013tik aurrera, Administrazio eta Kalitate eremuko Koordinatzailearen kargua hartu zuen, eta 2018 apiriletik aurrera Zuzendari Laguntzailea da.

  • Proiektuak

    “Harreman zuzenena eremuan bertan, gure misioaren muina.”

    Ezagutu Ezagutza Kudeatzeko Arduraduna

    Ezagutu Monitorizatzearen eta Ebaluazioaren Arduraduna

    Ezagutu Intzidentzia Politikoko eta Kanpo Harremanetako Arduraduna

  • Itzuli

    Silvia Santos

    Ezagutza Kudeatzeko Arduraduna

    Antropologia Sozialean eta Kulturalean Lizentziatua eta Gizarte Lanean Diplomatua da Deustuko Unibertsitatearen eskutik, Garapen eta Genero Lankidetzan osatu zuen prestakuntza. Orain dela 16 urtetik Nazioarteko Lankidetzan lan egiten du, zeinaren bidez Asia, Afrika eta Latino Amerikara joan den hainbat gobernuz kanpoko erakunderen bidez. Testuinguru horietan, landa-eremuko garapen sozioekonomikoko hainbat programatan lan egin du eta proiektuak kudeatzeko eta koordinatzeko funtzioak bete ditu. 2011n, gure taldean sartu zen, non hainbat funtzio bete dituen genero-arduradun modura eta Erdialdeko Amerikako eta Mendebaldeko Afrikako proiektuen arduradun moduan.

  • Itzuli

    Pedro Landim

    Monitorizatzearen eta Ebaluazioaren Arduraduna

    Zuzenbidean Lizentziatua da eta Giza Eskubideetako eta Demokratizazioko Graduondoa du Coímbrako Unibertsitatearen eskutik (Portugal). Gainera, lankidetzarekin lotutako beste hainbat prestakuntza ere egin du (Nazioarteko Lankidetza Deszentralizatuko Masterra Euskal Herriko Unibertsitatean eta Osasun Publikoko Graduondoa Pompeu Fabra Unibertsitatean). Iraganean, Nazio Batuen Erakundearekin lotutako hainbat erakunderekin lan egin zuen, hala nola UN-Habitatekin Brasilen (2005-2007) eta UNICEFekin Bolivian (2007-2010). 2011n gure taldean sartu zen proiektu-arduradun gisa, lehenik Perun eta orain dela gutxi Ghanan.

  • Itzuli

    Gabriel Diez

    Intzidentzia Politikoko eta Kanpo Harremanetako Arduraduna

    Nazioarteko Ikasgaietan Doktorea, Masterra Nazioarteko Harremanetan eta Zientzia Politikoetan eta Administrazioan Lizentziatua da Euskal Herriko Unibertsitatean UPV/EHUn. Gainera, Osasun Publikoko graduondo bat du Henri Poincaré Unibertsitatean (Nancy, Frantzia), baita Nazioarteko Graduondo bat ere Universitat Oberta Catalunyan. Ia 15 urtetan zehar garapeneko nazioarteko proiektutan lan egin du hainbat herrialdetan, hala nola Nicaraguan, El Salvadorren, Guatemalan edo Libanon. 2007an Anesvaden sartu zen Beningo eta Camerungo arduradun modura, non herrialde horietako estrategiak definitu baitzituen eta osasun-proiektuak identifikatu, formulatu, inplementatu eta ebaluatu. Artatu gabeko Gaixotasun Tropikalak, hala nola Buruli-ultzera, legenarra eta pian prebenitzeko, kontrolatzeko, ezabatzeko eta errotik ateratzeko hainbat ikuspuntu integraturen garapenean parte hartu du Osasun Ministerioen menpeko Programa Nazionalekin batera. Hainbat plan estrategiko formulatzen eta garatzen lagundu du Beninen 2007az geroztik eta Togon 2010az geroztik, baita zeharkako hainbat estrategiaren garapenean ere Ura, Higienea eta Saneamendua (WASH) gaietan gaixotasun horien aurka borrokatzeko.

  • Komunikazioa

    “Gure lana legitimatzen duten bizitzako historiak ekartzen ditugu hona. Eta zuri kontatzen dizkizugu.”

    Ezagutu Fundraising Arduraduna

    Ezagutu Komunikazio Arduraduna

  • Itzuli

    Marta Femia

    Fundraising Arduraduna

    Zientzia Politikoetan eta Soziologian Lizentziatua da Deustuko Unibertsitatearen eskutik, eta Enpresa Zuzendaritzako Masterra (MBA) egin zuen Bilboko ESICen. Sei urtetan baino gehiagotan sektore pribatuko Marketin sailetan lan egin zuen. Azkenean, 2007an, bere jakin-nahi pertsonalak eta profesionalak batzea erabaki zuen eta Irabazi Asmorik gabeko Entitateetara egin zuen jauzia. Urte horretatik aurrera, Anesvadeko Komunikazio eta Marketin sailean lan egin du, eta gizarte-oinarria leialtzeko eta funts pribatuak biltzeko lanak egin ditu.

  • Itzuli

    Miren Hualde

    Komunikazio Arduraduna

    Zuzenbidean lizentziatua da EHUn 2002an, baita Kazetaritzan ere unibertsitate berean 2005ean. Bere prestakuntza Salamancako Unibertsitateko Giza Eskubideen gaineko hainbat ikastarorekin eta mintegirekin osatu zuen. Sei urtetan Cadena Ser irratian lan egin zuen Albistegien eta Programen editore eta produktore moduan. Abentura horrek 3 urte iraun zituen, eta Ser Solidarios programa zuzendu eta aurkeztu zuen, non besteen bizitzak aldatzen zituzten pertsonen historiak kontatzen zituzten, eta justizia sozialaz, lankidetzaz eta eskubideez hitz egiten zuten. Handik gutxira, 2009an, ibilbidea hasi zuen Anesvaden, Komunikazio Arloan, eta besteen bizitzak hobetzeko lan egiten dugun herrialdeetan egunero borrokatzen diren pertsonen historiak ekarri dizkigu.

  • BARNE KUDEAKETA

    “Kudeaketaren, gardentasunaren eta gobernu onaren bikaintasuna zaintzen dugu.”

    Ezagutu Ezagutu Barne Kudeaketako Arduraduna

  • Itzuli

    Pedro Fernández

    Barne Kudeaketako Arduraduna

    Anesvaden parte da 1998az geroztik, eta hainbat postu bete ditu erakundean. Bere lanbide-prestakuntza Erakundeen Kudeaketan eta Kalitatearen Kudeaketa Sistemetan oinarritzen da; era berean, hainbat berariazko prestakuntza ere bete ditu Lankidetzako Proiektuak Kudeatzeko eta Anesvaden prozesuetan eta politiketan Legezko Araudia ezartzeko. Europa mailako Bikaintasun Ereduaren (EFQMren) eta EUSKALITen Kudeaketa Aurreratuko Ereduaren ebaluatzailea da 2012az geroztik. Gure taldeko parte izan aurretik, ikasten eta lanean aritu zen aldi berean, eta ondorioz, ez zuen inoiz ilusiorik galdu ikasteko eta hobetzeko, eta horrela izaten jarraitzen du.

Soldata Taula
Deskargatu (PDF - 218 Kb.)

Hitzarmena
Deskargatu (PDF - 989 Kb.)

AKREDITAZIOAK

  • Ongd
  • aecid
  • Diploma a la gestión avanzada
  • Ong acreditada