Aintzat hartzen dugu Afrikako emakume ikertzaileek Ahaztutako Gaixotasun Tropikalen aurkako borrokan egiten duten funtsezko lana. Guztien Bekaren bidez, haien ikerketak bultzatu eta haien eragina ikusarazi genuen "Think Outside the Box" dokumentalarekin. Gure helburua da merezi duten aintzatespena ematea eta osasun globalari egiten dioten ekarpen baliotsu hori sustatzea.
EHUrekin batera “Emakumeak zientzian. Aldaketa-ahotsak” erakusketa eta “Think outside the box” dokumentalaren emanaldia prestatu ditugu. Helburua ikasleei zientziarekiko konpromezua eta istorio errealak hurbiltzea izango da.
Emakumezkoen talentuaren aldeko apustua egitea osasun globala lortzeko: emakume afrikarrak aldaketa-agente gisa ikerketan.
Ikerketaren eta arlo akademikoaren mihise zirraragarrian, genero-berdintasunaren pintzelkadek ez dute soilik justizia-koadro bat margotzen, ezagutzaren funtsa ere zizelkatzen dute horrekin batera. Maiatzaren 25ean izango den Afrikaren Mundu Eguna dela-eta, funtsezkoa da Afrikako emakumeek ikerketan duten ezinbesteko rola eta haien potentzialean inbertitzeak duen inpaktua zein den onartzea.
Badira zientziak eta ikerketak ahaztu dituen gaixotasunak. Gobernuek, osasun-sektoreak eta komunikabideek inolako arretarik ematen ez dieten gaixotasun tropikalak.
Gure ikerketa-beken helburua da Ahaztutako Gaixotasun Tropikalen munduan erantzunik gabeko galdera askori irtenbidea ematea, eta, aldi berean, komunitate zientifiko afrikarrari ikusgarritasuna ematea, han osasun-gastuaren % 0,6 baino ez baita ikerketara bideratzen.
Nolakoa da Guztien Beka?
Ahaztutako gaixotasunak ezagutzen eta desagerrarazten laguntzeko izango dira ikerketa guztiak.
Bekadunak afrikarrak eta gizarte- eta osasun-arlokoak izango dira beti.
Ikertzaile bakoitza teknikari espezializatuek aholkatuko dute.
Jakintzaren trukea sustatuko dugu, Afrikako eta Europako zientzia-erakundeen arteko lankidetza-akordioen bidez.
Nazioarteko komunitate zientifikoak askatasunez eskuratu ahal izango ditu ikerketa-beka bakoitzarekin lortutako ondorio, aurkikuntza eta aurrerapen zientifiko guztiak.
Emakume ikertzaile afrikarrek egindako ikerketak ikusaraziko ditugu bereziki.
Artikulua
Ikerketak zubiak sortzen ditu Afrikaren eta Europaren artean
Gehiago irakurri
×Artikulua
Ikerketak zubiak sortzen ditu Afrikaren eta Europaren artean
Diziplina anitzeko taldeak sor daitezen bultzatuz.
Anesvad Fundazioak elkarlaneko ikerketa bultzatzeko konpromisoa hartu du. Hartan, parte hartzen duten alde guztiek izango dute hitza eta Ahaztutako Gaixotasun Tropikalek eragindako komunitate afrikarren beharretara egokituko dira egiaz konponbideak.
“Dejar de silenciar” a documentary film by Bitart New Media production for the Anesvad Foundation
Gaur egun, zientziako profesionalen herena baino ez dira emakumeak. Zientziaren maskulinizazioak, estereotipo sozialek eta ideia horiek zabaltzen dituen hezkuntza-sistemak beren karrerak uztera eramaten dituzte emakume asko.
Hainbat emakume ikertzaile zientifikoren ikuspegitik, haien esperientzietan oinarritu da dokumental hau, sormenez pentsatzen duen belaunaldi berri baten itxaropena baitira.
Hainbat adineko eta errealitate desberdinetako emakume afrikarrak dira protagonistak, eta inork artatzen ez dituen gaixotasunak ikertzen dituzte, testuinguru pobretuenetako pertsonek sufritzen dituztenak. Emakumeak ikusarazteko eta belaunaldi berriak haien urratsak jarraitzera bultzatzeko egiten dute borroka.
Emakume ikertzaileei eta Afrikako arreta medikoa ahalbidetzen dutenei egiten zaien aintzatespena da.
Diziplina anitzeko taldeak sor daitezen bultzatuz.
Ahaztutako Gaixotasunek irtenbide espezifikoak behar dituzte, Afrikako herrialdeetako tokiko testuinguruak eta errealitate sozioekonomikoak lantzeko.
Afrikan, emakume ikertzaile askok aurrez aurre duten errealitatea da kristalezko sabaia, % 2,4 baino ez baitira emakume ikertzaileak. Ahaztutako Gaixotasun Tropikalak ikertzen dituzten Afrikako emakume ikertzaileen talentua bultzatuta, Anesvad Fundazioak hazkunde profesionalerako aukerak eskaini nahi dizkie eta ikerketa zientifikoan berdintasuna sustatu.
